Ël sens dla vita
La vita 'n scorr adòss
tant lesta e birichin-a,
a passa parèj'd na lòsna,
at manda a la ruin-a.
Apress at arpòrta su
come 'n buracio 'd nata,
at dis; l'é bel l'amor
a smija a na buata.
Trames a reuse e fior
a t'argala 'd sentiment
peui at je pòrta via,
ant n' atim come 'l vent.
La vita a l'é da vive
e fin-a a l'ultim di,
sercand an mes al brut
quaicòs ch'a fà piasì.
E quand a sarà funìa,
se 'n mes a tanta gent,
a-i na sarà 'ncor un
che ricordand-se 'd mi
a preuva 'd sentiment,
i l'avrai passà mia vita,
ma nen inutilment.
Giancarlo Casalegno
Il senso della vita
La vita ci scorre addosso
tanto lesta e birichina,
passa come un fulmine,
e ti manda in rovina.
Appresso ti riporta su
come un fantoccio di sughero,
ti dice. l'amore è bello
assomiglia a una bambola.
In mezzo a rose e fiori
ti regala dei sentimenti,
poi te li porta via,
in un attimo, come il vento.
La vita và vissuta
e fino all'ultimo giorno,
cercando in mezzo al brutto
qualcosa che dia piacere.
E quando sarà finita,
se fra tanta gente,
ci sarà ancora uno,
che ricordandosi di me
prova dei sentimenti,
avrò passato la mia vita,
ma non inutilmente.
Giancarlo Casalegno
